القائمة الرئيسية

الصفحات

كيف تكتب براجراف باللغة الانجليزية , مستر عادل نفادة

07 يونيو 2018

(3)

كيف تكتب براجراف باللغة الانجليزية , مستر عادل نفادة

ننشر لكم من خلال موقع الطريق المضئ كيف تكتب براجراف باللغة الانجليزية ,الموضوع من اعداد المستر المتميز مستر عادل نفادة ,قبل ما نقول هنكتب ازاى لازم الاول نجاوب على شويه اسئله خفيفه كده وبسرعه جاهزين؟ ماشى يلا بينا

كيف تكتب براجراف باللغة الانجليزية

انتم الان على موقع الطريق المضئ , افضل خدمة تعليمية الكترونية مجانية , حيث نقدم افضل واحدث البرامج والمذكرات التعليمية واهم الوسائل التعليمية فى وطننا العربى الحبيب حيث نقدم كل مناهج الدول العربية من دروس وملخصات ومراجعات وامتحانات ولا ننسى نتائج الامتحانات كل هذا واكثر حيث نبدأ من مرحلة رياض الاطفال الى مرحلة الجامعة.
ولا نغفل ان نقدم لكم احدث المذكرات والشروحات التى تخص كل المواد كما نقدم لكم تحميل المراجعات النهائية وملخص وتبسيط المواد فى بضع وريقات لكى تساهم فى سرعة المراجعة والتذكر لطلابنا الكرام .حمل ايضا احدث المناهج والكتب الدراسية والتى تكون مقدمة من وزارة التربية التعليم عن طريق موقع الوزارة ,تحميل إجابات جميع الكتب الدراسية سواء ان كانت الحكومية او الخارجية .
موقع الطريق المضئ يقدم خدمة تعليمية تليق بزوارها الكرام حيث نهتم بالمعلم والطالب وولى الامر حيث انهم حلقة واحدة ولا يكمن ان نغفل حق اى منهم فى العملية التعليمية.نقدم كل وسائل السبل والمقترحات وملفات الشرح والتحضير وطرق التدريس لكى تساعد معلمينا الكرام. اما اولياء الامور فقد نقدم لهم اهم النصائح وطرق التعامل مع اولادهم وبناتهم وكيفية المذاكرة معهم وعيز ذالك من النصائح .
نقدم لكم ايضا كورسات مكثفة لتعليم اللغات الاجنبية ممزوجة بملفات الفيديو بالاضافة الى ملفات التحميل بصيغة وورد وبى دى اف .نقدم لكم ايضا تلخيص وشرح ابرز النقاط والعناوين الهامه لهذه الماده كما ننشر لكم شرح وافي مراجعه على كل فصل و امتحان على كل درس المراجعه والامتحانات

روابط مقترحة

حمل كل مذكرات البراجراف الخاص بكل المراحل التعليمية

السؤال الأول : فى البداية ما معنى كلمه paragraph؟

• بص يا عم البرجراف ده عباره عن مجموعه من الجمل تعبر عن فكره واحده. يعنى مثلا لو طلب منى اكتب برجراف عن (أهميه السياحه) يبقى كل الجمل اللى هاكتبها متعلقه بهذا الموضوع ما أدخلش بقى فى حوارات تانيه

السؤال الثانى : ما هى أجزاء البرجراف؟

• أقولك ياعم البرجراف ده عامل زى جسم الانسان بيتكون من 3 أجزاء :

• 1- مقدمه : جمله بتشرح الفكره الرئيسيه للبرجراف ودى بقى بيسموها ال topic sentence

• 2 - الموضوع أو بمعنى أدق (الجمل المسانده اللى بيسموها supporting sentences ودى بقى شويه جمل بتشرح اللى انت قلته فى المقدمه باعطاء امثله وحقائق وتفصيلات عن الموضوع

• يعنى مثلا لو بتكتب برجراف عن التدخين smoking وقلت فى المقدمه أو الجمله الافتتاحيه زى ما الناس بيسموها :

• التدخين ضار بالصحه : Smoking is harmful to health.
• توضح بقى الكلام الكبير اللى انت قلته ده بأنك تعرفنا إزاى هو ضار بالصحه وضح كلامك واثبته بامثله وحقائق وحاجات من دى إزاى يعنى؟
• يعنى مثلا هتقول ان التدخين بيسبب امراض القلب والرئه / وانه قد يسبب السرطان/ وان الأطباء اثبتوا ان التدخين يؤدى الى الوفاه مبكرا/ وانه لذلك يمنع التدخين فى السينمات والمسارح وكل الاماكن المغلقه .....الخ

• It causes heart and lung diseases. It may also cause cancer. Doctors have proved that smoking leads to early death. Therefore, it is banned in cinemas, theatres , and all closed places.

• 3- الخاتمه : بعد كده ياعم اختم برجرافك البسيط ده ممكن بنصيحه أو تحذير او تلخيص لما قلته وكده يعنى اتصرف بقى انت

• ( ملحوظه رفيعه كده )

• من المتعارف عليه فى الامتحانات اضافه للكلام الحلو أوى اللى قلناه ده ان الطالب بيزود جمله افتتاحيه من عنده فى الأول وخاتمه برضه من عنده فى الأخر والكلام ده ماشى وبنصححه عادى وزى الفل

•المقدمه العامه للبراجراف

Fancy holding my pen to write about this important topic ! Wow ! I am sure that everyone will tackle it from a different angle, but I will focus on the main points.

الخاتمه للبراجراف

Finally, I'd like to point out that what I have just written about this interesting topic is just like adding a drop of water to the ocean !

السؤال الثالث : ماهى انواع البرجرافات اللى دايما بتيجى فى الامتحانات ؟

1- مشكله ( زى التلوث / الأميه / البطاله ...إلخ ) 2- موضوع عام ( زى مثلا : دور الشباب / دور المرأه / اهميه الرياضه ..إلخ

3- مزايا وعيوب ( زى الموبايل / الانترنت / التلفزيون ...إلخ ) 4- موضوع شخصى (بتتكلم فيه عن نفسك : زى مثلا هدفك فى الحياه / مثلك الاعلى / شخص بتحبه .... الخ) 5- رحله / زياره / قصه

السؤال الرابع : ماهى الأزمنه التى نستخدمها عندما نكتب ؟

*بص بقى لو احنا هنكتب عن حاجه حصلت فى الماضى يبقى اكيد هنستخدم زمن الماضى

*ولو احنا هنكتب عن حاجه لسه هتحصل فى المسقبل يبقى من الاخر كده هنستخدم ازمنه تدل على المستقبل

*ولو احنا بقلا هنتكلم عن حقائق وعادات وواقع موجود وده الغالب عموما يبقى هنستخدم المضارع
( وصلت ولا لسه؟ قول حاجه! ...... تمام ماشى ياعم )

ندخل فى المهم ويلا نمسك كده الموضوع العام ونشوف بيتكتب إزاى :

بس خد بالك فى سنه تالته بيطلب منك تكتب عشر جمل يتكتبوا فى فقرتين كل فقره مكونه من خمس جمل اما فى سنه اولى مطلوب منك 8 جمل يتكتبوا فى فقره واحده
ودى صياغه السؤال فى سنه تالته :

Write two paragraphs of five sentences each about

" the various ways through which people can keep good health and fitness"

• إيه ده ؟ انا سامع واحد بيقولك : يا نهار أزرق وانا ها كتب إزاى الموضوع الصعب ده ؟
• هاقوله : Relax الموضوع سهل احنا هنعمل شويه خطوات بسيطه امشى معايا واحده واحده وهتلاقى نفسك كتبت بسهوله
• أولا: نقرأ الموضوع ونترجمه طلع معناه ايه؟ ( الطرق المتنوعه التى من خلالها يبقى الناس فى صحه جيده ولياقه )
• ثانيا: نحدد نوع البرجراف . حددنا ياعم وطلع ( موضوع عام )
• ثالثا : نحدد الزمن اللى ها ستخدمه . ماشى ده حقائق يبقى مضارع بسيط يعنى ايه؟ يعنى كل الافعال تصريف أول ومع الضمائر إياها he / she / it ومايساويها الفعل بيبقى أخره s
• رابعا : أبدأ أكتب بقى بأنى اسيب فراغ فى الأول كده زى ما بنعمل كل مره وبعدين تبدأ بالجمله الافتتاحيه بتاعتنا
• خامسا : استفيد من رأس الموضوع اللى ادهولنا إزاى ؟ لو هو جمله كامله اكتبها زى ماهى اما لو مش جمله كامله ممكن تسألأ سؤال وترد عليه يعنى مثلا تقول ايه :

• What are the various ways through which people can keep good health and fitness? The answer to this question needs elaboration. To begin with, I'd like to say that…….

• طبعا فى سنه تالته بيدينى افكارأكيد باستفيد منها لكن فى سنه أولى مفيش افكا ر طب نعمل إيه ؟
• بص ياعم ! أيوه انت ! انت ! مش تسرح متخلنيش أزعل منك !
• كأنك هتكتب موضوع تعبير بالعربى اكتب عده جمل بالعربى تجاوب فيهم على السؤال اللى انت سألته فى الاول بحيث تبقى الجمل بسيطه وسهله (فاعل وفعل وتكمله ) وتكون عارف هجاء الكلمات اللى هتستخدمها وكبر خطك كده ووضحه واكتب على سطر وسيب سطر وأوعى الشخبطه بقى والحاجات اللى بتقرف المصحح دى أعمل معروف إحنا عاوزين النهايه

• وبعدين نترجم بالانجليزى حسب قواعد الترجمه اللى انا شرحتها قبل كده اوعى تكون نسيتها !!!
• وبرضه خد بالك من علامات الترقيم الجمله تبدأ بحرف capital وتنتهى بنقطه ولو سؤال يبقى ينتهى بعلامه إستفهام والموال اللى من سنين بنحكى فيه ده

ممكن بقى تزوق البرجراف بتاعك وتديله منظر.
هأقولك إزاى:
عشان تأكد كلامك ابدأ جملتك بعباره ظريفه زى:

- It is crystal clear that …….. *

- من الواضح تماما ان

It can't be denied that…..*

لا احد يمكنه ان ينكر ان

It goes without saying that ….*

غنى عن البيان ان

It is taken for granted that…*

من المسلم به ان

There is no doubt that…..*

مما لاشك فيه ان

I don't exaggerate when I say that……

لا أبالغ عندما أقول ان

I reveal no secret when I say that….

لا افشى سرا عندما أقول ان
It is known that …./ Everyone knows that …..
من المعروف ان / الجميع يعرف ان
• عاوز تعطى مثال ابدأ جملتك ب For example, …
عاوز تعطى مثال داخل الجمله استخدم like او such as

عاوز تضيف فكره جديده تبدأ ب

Moreover, ….. أو Furthermore,… أو In addition to that …..أو It is worth mentioning that……

إضافه الى ذلك.........................../ من الجدير بالذكر ان

Concerning

بخصوص

Another thing is that…

شيئ أخر هو ان .....

On the one hand,………………On the other hand,……

من ناحيه......... ومن ناحيه اخرى..... (هذا الاسلوب عندما نقارن حقيقتين او فكرتين مختلفتين)
Last but not least, ………….
وأخيرا وليس أخرا

عاوز تقول ان الكلام ده رأيك الخاص:

In my opinion, …………..*
As far as I am concerned…..
I do believe that ……….

نبدأ بقى نكتب الجمل بالعربى اولا وبعدين نترجم:

* بدايه أود ان أقول أن هناك أشياء بسيطه تساعدنا ان ان نكون اصحاء ولائقين بدنيا
*على سبيل المثال المشى لمده ساعه يوميا تدريب لايقدر بثمن وسهل
*هويقوى عضلاتنا
* إضافه لذلك هو يجدد خلايا اجسامنا
* من المعروف ان ممارسه رياضه مثل كره القدم او التنس تجدد طاقتنا وتنعش عقولنا
*لا افشى سرا عندما اقول ان الذهاب الى الفراش مبكرا والنوم لمده 8 ساعات ذو قيمه عظيمه
*علينا ايضا ان نتناول غذاء صحى يحتوى على بروتينات وفيتامينات
*علينا ألا نشرب الخمر لانها تسبب امراض خطيره
*علينا الا نكثر من شرب الشاى او القهوه ايضا

طولنا؟ ماتزعلوش ! الموضوع أهو :

Fancy holding my pen to write about this topic ! Wow ! I am sure that everyone will tackle it from a different angle, but I will focus on the main points. What are the various ways through which people can keep good health and fitness ? The answer to this question needs elaboration. To begin with, I'd like to say that there are simple things which help us to be healthy and physically fit. For example, walking for an hour every day is a priceless and easy exercise. It strengthens our muscles. In addition to that, it renews the cells of our bodies. It is also known that practicing a sport like football or tennis renews our energy and refreshes our minds.

I reveal no secret when I say that going to bed early and sleeping for eight hours a day is of great value. We should also eat healthy food containing proteins and vitamins. We mustn't drink wine as it causes serious diseases. We shouldn't drink too much tea or coffee either. Finally, I'd like to point out that what I have just written about this interesting topic is just like adding a drop of water to

The ocean !

كيف نكتب عن مشكله؟

ما اكثر المشاكل فى الدنيا اللى ممكن يطلب مننا نكتب برجراف عنها زى مثلا :

* التلوث pollution * البطاله unemployment * الارهاب terrorism * الاسكان housing

* الأميه illiteracy * الإدمان addiction * ارتفاع الاسعار the rise in prices الخ الخ

نجيب من الأخر عشان نكتب عن اى مشكله لازم تتناول اربعه افكار :

1- مقدمه عن المشكله الرخمه دى وتبين خطورتها
2- تذكر بعد كده اسباب المشكله
3- وبعدين تبين أثر المشكله علينا وعلى المجتمع
4- وفى الأخر بقى تكتب حلول المشكله

( أنا سامع واحد بيقول : مش هاعرف اكتب عن أى مشكله وانا باقول ان شاء الله هيكتب )

مقدمه براجراف لأى مشكله :

……. is one of the worst and most complicated problems. I don't exaggerate when I say that it has made our life a hell !

Let's shed light on some of the main aspects of this thorny problem.

بعد كده نذكر الاسباب وطبعا دى بتختلف من مشكله لأخرى

and…..are the main causes of …

بعد كده وضح اثار المشكله على المجتمع والبيئه وكل الحركات دى

The worst thing about …..is that it results in other problems . It has negative effects on all creatures living under the sun !

واكتب شويه حاجات كده من مخك تانى 0 معلش خليها عليك شويه
وفى الاخر شويه اقتراحات وابدأ بالجمله دى :

Here are some suggestions that may help us to solve this nasty problem.

كيف نكتب عن موضوع مزايا وعيوب ؟

• فى مقدمه ظريفه جدا نبدأ بها مع شويه تعبيرات

The saying goes, "Perfection is a divine attribute" This means that nothing is perfect for everything in life has merits and demerits. This golden rule applies to……To begin with, I'd like to draw your attention to the fact that there are many advantages to …. One of the main advantages of ….is that……

Another advantage is the fact that…

As well as that…………………………..

On the other hand,………has/ have some demerits. The main disadvantage of...

…is that……Another disadvantage is that…..

عاوز تكتب عن زياره او رحله اكتب براحتك

• عشان تكتب عن زياره او رحله الخ خد بالك اولا من الازمنه
• لو بتتكلم عن حاجات حصلت فى الماضى يبقى تستخدم ازمنة الماضى المعروفه
• وطبعا هتقول رحت فين وامتى وازاى ومع مين وشفت ايه وعملت ايه وكل الكلام الفاضى ده